សៀមរាប៖ សត្វព្រៃជាច្រើនប្រភេទចំនួន ៨៥ក្បាល ត្រូវបានអាជ្ញាធរបង្រ្កាប និងដកហូតបានត្រង់ចំណុចភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប កាលពីថ្ងៃទី៣០ ខែវិច្ឆិកា ឆ្នាំ២០២២។
សត្វព្រៃចំនួន ៨៥ក្បាលដែលអាជ្ញាធរបានដកហូតនោះ មានសត្វប្រវឹករស់ចំនួន ១៦ក្បាល សត្វទោមរស់ចំនួន ៧ក្បាល មាន់ទឹករស់ចំនួន ៣ក្បាល និងសារិកាកែវក្របីរស់ចំនួន ៤៩ក្បាល។
សត្វព្រៃទំាងនោះត្រូវបានបង្រ្កាបនៅទីតាំងស្តុកទុកមួយកន្លែងដែលមានម្ចាស់ឈ្មោះ កែវ វាសនា ភេទប្រុស អាយុ ៣៣ឆ្នាំ ស្ថិតក្នុងភូមិខ្នារ សង្កាត់ជ្រាវ ក្រុង-ខេត្តសៀមរាប។
អាជ្ញាធរបានដកហូតសត្វព្រៃទាំងនោះ និងបានកសាងសំណុំរឿងដោះស្រាយទៅតាមច្បាប់ព្រៃឈើ។ យោងតាមច្បាប់ស្ដីពីតំបន់ការពារធម្មជាតិមាត្រា៥៩ ត្រង់ចំណុចកថាខណ្ឌទី៥ បានបញ្ជាក់ថា ការជួញដូរសត្វព្រៃ ធ្វើសំណាកសត្វព្រៃ និងការចិញ្ចឹមសត្វព្រៃគ្រប់ប្រភេទ ត្រូវទទួលការពិន័យលុយចាប់ពី ១លាន ដល់ ១០លានរៀល។ ក្នុងករណីមិនរាងចាល ត្រូវទទួលពិន័យអន្តរការណ៍មានតម្លៃទ្វេដង៕
